Գյումրու ԲԿ-ն՝ «ԶԻԼ»-ի վարորդի առողջական վիճակի մասին
Գյումրու ԲԿ-ում մնացել է միայն «ԶԻԼ»-ի վարորդը։ Այս մասին Auroranews-ի հետ զրույցում ասաց «Գյումրի» ԲԿ-ի փոխտնօրեն Արմեն Խաչատրյանը։
««ԶԻԼ»-ի վարորդի վիճակն այս պահին գնահատվում է միջին ծանրության, կյանքին վտանգ չի սպառնում»,- մանրամասնեց Խաչատրյանը։
Բժշկի խոսքով, հավանաբար, վերակենդանացման բաժանմունքից այսօր կտեղափոխվի հիվանդասենյակ։
Հիշեցնենք, որ օգոստոսի 14-ին Գյումրի-Երևան ճանապարհին՝ Լանջիկ գյուղի մոտակայքում «ԶԻԼ» մակնիշի բեռնատարի ու մարդատար Volkswagen-ի բախման հետևանքով տեղում մահացել են մարդատարի 10 ուղևորներն ու վարորդը։ Եվս 6 մարդ՝ ծանր ու ծայրահեղ ծանր վիճակում, նրանից թվում՝ «ԶԻԼ»-ի վարորդը, տեղափոխվել էին «Գյումրի» բժշկական կենտրոն։
