Դուբայը ճանաչվել է հիբրիդային աշխատանքի համար լավագույն քաղաք

Միացյալ Արաբական Էմիրությունների ամենախոշոր քաղաքը՝ Դուբայը դարձել է հիբրիդային աշխատանքի համար լավագույն քաղաքը։ Այս մասին գրում է «Bloomberg»-ը՝ հղում կատարելով իր աղբյուրներին։ 

Նշվում է, որ անցյալ տարվա առաջատար Լիսաբոնը բնակարանների վարձակալության արժեքի կտրուկ աճի պատճառով անմիջապես իջել է հինգերորդ հորիզոնական: Առաջին անգամ ցուցակում և անմիջապես երկրորդ տեղում իսպանական Մալագան էր։

Դուբայը բարձրացել է հիբրիդային ռեժիմով աշխատող մարդկանց համար լավագույն քաղաքների ցանկի առաջին հորիզոնականը։ Նշենք, որ հիբրիդային աշխատանքն իրականացվում է մասամբ հեռակա, մասամբ գրասենյակից։