Արցախում առաջին դասարանցիների համար Այբբենարաններ պետք է հավաքեն երեխաներից․ ԿԳՄՍ փոխնախարար

Մենք ունենալու ենք նախորդ տարվա ծրագիրը և, պարզապես, ելնելով իրավիճակից, որոշ դպրոցներում պետք է ցուցաբերենք լոկալ մոտեցումներ: «Արցախպրես»-ի հաղորդմամբ՝ այս մասին տված հարցազրույցի ժամանակ ասել է Կրթության, գիտության, մշակույթի և սպորտի նախարարի տեղակալ Միքայել Համբարձումյանը:

«Ելնելով տեղանքից, դպրոցից, տեղափոխության հետ կապված խնդիրներից՝ որոշ բաներ փոխվելու են, միանշանակ: Դասագրքերի, գրենական պիտույքների խնդիրներ դեռ կան: Պայուսակների հարցում խնդրի լուծումն իր վրա է վերցրել «Հայ կրթական հիմնարկությունը» և տեղում պայուսակներ կկարի: Տարբեր արձագանքներ կան այս հարցում: Բոլորը նույն հնարավորություններն ունեն, և այդ մինիմալ հնարավորություններից պետք է քաղենք մաքսիմալը»,- նշել է Մ. Համբարձումյանը:

Նա նաև հավելել է․ «Ծրագիրը 1-ին դասարանցիների համար է, և ծնողն ինքն է որոշում` պե՞տք է այդ պայուսակն իր երեխային, թե՝ ոչ. որևէ մեկը նրան պարտադրելու իրավունք չունի: Եթե հնարավոր լինի, 2-րդ, 3-րդ դասարաններում սովորող կարիքավոր երեխաների համար ևս ձեռք կբերենք այդ պայուսակներից»:

ԿԳՄՍՆ տեղակալը նշել է, որ առաջին դասարանցիների համար Այբբենարաններ պետք է հավաքեն երեխաներից և տրամադրեն նրանց՝ հավելելով, որ դասագրքրերը կհավաքվեն դպրոցներում: