Թուրքիան վտանգավոր երկիր է․ Գերմանիայի լրագրողների միություն
«Լրագրողների համար Թուրքիան ապահով երկիր չէ»: Այս մասին օգոստոսի 14-ին Գերմանիայի լրագրողների միությունը հայտարարություն է տարածել, գրում է Ermenihaber.am-ը։
Մասնավորապես միությունը հորդորել է լրագրողներին չմեկնել Թուրքիա ոչ՛ աշխատանքային նպատակներով, ոչ էլ զբոսաշրջության:
Կայքը նշում է, որ գերմանական միության կողմից նման հայտարարությունը կապված է վերջերս Թուրքիայում Գերմանիայի պատգամավոր Գյոքայ Աքբուլութի ձերբակալման հետ․
«Այս վերջին դեպքը ևս մեկ անգամ ցուց տվեց, որ Էրդողանն իր բռնակալությունը քննադատողներին դիտարկում է որպես պետության թշնամի»:
Հիշեցնենք, որ գերմանացի կին պատգամավորը ձերբակալվել է օգոստոսի 3-ին Անկարայի օդանավակայանում անձնագրի ստուգումից հետո՝ իր սոցիալական ցանցերում կատարված գրառումների պատճառով։ Սակայն ավելի ուշ Գերմանիայի արտգործնախարարության միջամտությամբ պատգամավորը ազատ է արձակվել և վերադարձել հայրենիք:
