Աշխարհում հակամարտության ու ռազմական գործողությունների նոր տարածաշրջան է հայտնվում: Արդեն որոշ փորձագետներ գրում են, որ սա Աֆրիկայում պատերազմի սկիզբ է, որտեղ միջազգային դերակատարներ են խաղում և այսպես Արևմտյան Աֆրիկայի տարածաշրջանային (ECOWAS) բլոկի երկրները պայմանավորվել են ռազմական գործողություններ սկսել Նիգերում «որքան հնարավոր է շուտ», ասել է Կոտ դ'Իվուարի նախագահը:

«Շտաբի պետերը ևս մի քանի հանդիպումներ կանցկացնեն մանրամասները վերջնական տեսքի բերելու համար, սակայն մենք ունենք պետությունների ղեկավարների համաձայնությունը՝ հնարավորինս շուտ սկսել գործողությունը»,-ասել է նա: 

Ֆրանսիան աջակցում է Նիգերում կարգուկանոնը վերականգնելու ECOWAS-ի գագաթնաժողովի որոշումներին։ Այս մասին հայտարարել է Ֆրանսիայի արտաքին գործերի նախարարությունը։ 

ԱՄՆ իշխանությունները ևս աջակցում են ECOWAS-ի գործողություններին՝ կապված Նիգերի իրավիճակի հետ, ասել է ԱՄՆ պետքարտուղար Էնթոնի Բլինկենը։