Բելգիայից Ուկրաինա է ուղարկվել «Leopard 1» վերանորոգված տանկերի խմբաքանակ

Բելգիայից Ուկրաինա է ուղարկվել  «Leopard 1» վերանորոգված տանկերի խմբաքանակ։ Ինչպես հայտնում է Business AM-ը, շահագործումից հանված մեքենաները պատկանել են OIP Land Systems-ին, որը դրանք վերավաճառել է եվրոպական անանուն երկրի: Սակայն Բելգիայի կառավարությունը գործարքին չի մասնակցել: Հոդվածում որպես հնարավոր, գնորդ երկրներ նշվում են Դանիան, Գերմանիան և Նիդեռլանդները։ 

Վերանորոգումից հետո «Leopard 1»-ի խմբաքանակը Գերմանիայի և Իտալիայի տարածքով տեղափոխվել է Ուկրաինա։ Սկզբում այդ մեքենաները վաճառվում էին 15,000 եվրոյով, սակայն այժմ մեկ տանկի գինը բարձրացել է մինչև 500,000 եվրո:

Ավելի ուշ հայտնի է դարձել, որ Ուկրաինա ուղարկվելիք բելգիական «Leopard 1» տանկերը գնել է գերմանական կոնցեռնը։ Ուկրաինայի զինված ուժերը 50 տանկի փոխարեն կստանան ընդամենը 30-ը։