ՏԵՍԱՆՅՈՒԹ․ Փողոցում «տեղ պահելու համար» կանգնակ տեղադրելն արգելված է

Երևանի ավտոկայանատեղիներում կայանելը հաճախ հնարավոր չէ: Պատճառը ոչ միայն կայանատեղ չլինելն է, այլև դրանք կանգնակներով ու տարբեր առարկաներով զբաղեցնելը: Երևանի քաղաքապետարանը պարեկային ծառայության հետ շարունակում է ամենօրյա ուժեղացված ստուգայցերը՝ կանգնակները հեռացնելու և ճանապարհի երթևեկելի հատվածն ազատելու համար: Այս մասին հայտնում են քաղաքապետարանի լրատվական ծառայությունից։

«Հիմնական խնդիրը տնտեսվարողներն են, նաև որոշ անհատներ, որոնք, այսպես ասած, «տեղ պահելու համար» գումար են վաստակում:

«Ճանապարհային երթևեկության անվտանգության ապահովման մասին» օրենքը հստակ նշում է. 

«Արգելվում է ճանապարհին թողնել իրեր ու առարկաներ, որոնք կարող են խոչընդոտել ճանապարհային երթևեկությանը»: Սա նշանակում է՝ կանգնակ տեղադրելն արգելվում է»,- ասված է հաղորդագրությունում։

Նշվում է, որ քաղաքային իշխանությունը շարունակելու է ստուգայցերը վարչական բոլոր  շրջաններում՝ մինչև խնդրի վերջնական լուծումը։