«ԱՄՆ-ն արել է հնարավոր ամեն ինչ՝ հացահատիկի գործարքը վերսկսելու համար». Բլինկեն
ԱՄՆ-ն արել է «ամեն ինչ»՝ հացահատիկի գործարքի վերսկսման վերաբերյալ Ռուսաստանի պահանջները կատարելու համար։ Այս մասին RFI-ին տված հարցազրույցում ասել է Պետդեպարտամենտի ղեկավար Էնթոնի Բլինկենը։
«Ինչ վերաբերում է պոտենցիալ խնդիրների կոնկրետ ցուցումներին, ինչպիսիք են բանկային, տրանսպորտը և այլն, մենք ամեն ինչ արել ենք, որպեսզի համոզվենք, որ այդ խնդիրները լուծվեն», - ասել է պետքարտուղարը:
Նրա խոսքով՝ ինքն անձամբ նամակներ է գրել ամերիկյան բանկերին եւ բացատրել, որ Վաշինգտոնը «բացարձակապես» աջակցել է ռուսական հացահատիկի արտահանմանը։ «Չպետք է մտավախություն լինի պատժամիջոցների հետ կապված, որոնցից հանվում են ռուսական հացահատիկը, տրանսպորտը, ապահովագրությունը և այլն»,- ասել է Բլինկենը։
Նա խոսել է նաեւ ՄԱԿ-ի կողմից Ռուսաստանին ուղղված առաջարկի մասին, որը «պատասխանում է Մոսկվայի բոլոր մտահոգություններին»։ Սակայն Կրեմլը, ըստ Բլինկենի, չի արձագանքել դրան, ուստի գործարքի երկարաձգումը «զիջումների հարց չէ»։
