ՏԵՍԱՆՅՈՒԹ․ ԱԳՆ-ն ցավակցություն է հայտնել․ Սլովենիայում ջրհեղեղներից 3 մարդ է մահացել
ՀՀ ԱԳՆ-ն ցավակցություն է հայտնել Սլովենիայում հորդառատ անձրևների հետևանքով առաջացած հեղեղումների ու սողանքների պատճառով զոհվածների ընտանիքներին:
«Մենք կարեկցում ենք Սլովենիային, երկիրը բախվել է նորագույն պատմության ամենամեծ բնական աղետին»,– ասվում է ԱԳՆ թվիթերյան էջում։
Նշենք, որ Սլովենիայում առնվազն երեք մարդ է զոհվել ջրհեղեղների և սողանքների հետևանքով։ Տուժած շրջաններից բնակչության տարհանումը շարունակվում է։ Որոշ տարածքներ ամբողջովին մեկուսացված են։ Ըստ կանխատեսումների՝ առաջիկա մի քանի օրերին տեղումները չեն դադարի։
Հիշեցնենք, որ օգոստոսի 3-ին և 4-ին հորդառատ անձրևների պատճառով Սլովենիան բախվել է ամենամեծ բնական աղետին։
