ՌԴ-ն կործանիչ է օդ բարձրացրել Սև ծովի վերևում ամերիկյան ԱԹՍ ֆիքսելու պատճառով
Ռուսաստանը հայտարարել է, որ իր Սու-30 ինքնաթիռը ֆիքսել է ամերիկյան MQ-9A Reaper անօդաչու թռչող սարքը, որը թռչել է Սև ծովի վրայով: Այս մասին հայտարարել է ՌԴ պաշտպանության նախարարությունը։
«Ռուսական կործանիչի մոտենալու ընթացքում օտարերկրյա հետախուզական անօդաչու թռչող սարքը շրջադարձ է կատարել Ռուսաստանի Դաշնության պետական սահմանից։ Ռուսական ինքնաթիռը բարեհաջող վերադարձել է իր բազային օդանավակայան, Ռուսաստանի Դաշնության պետական սահմանի խախտում թույլ չի տրվել»,- ասվում է հաղորդագրության մեջ։
Նշենք, որ ԱՄՆ ռազմաօդային ուժերի անօդաչու թռչող սարքը Սև ծովի տարածքում հայտնաբերվել է օգոստոսի 5-ին:
