Ուկրաինայում ռուսական ներխուժումից ի վեր ավելի քան 9000 ուկրաինացի խաղաղ բնակիչ է զոհվել․ ՄԱԿ
ՄԱԿ-ի մարդու իրավունքների դիտորդական առաքելության տվյալներով՝ հունիսի 30-ի դրությամբ ուկրաինացի 9177 խաղաղ բնակիչ է զոհվել։ Նրանց թվում՝ 535 երեխա։ Տուժել է 15993 մարդ, այդ թվում՝ 1095 երեխա։
Ամենից հաճախ (դեպքերի մոտ 90%-ը) մարդիկ մահանում են հրթիռային հարձակումների հետևանքով։
ՄԱԿ-ը շեշտում է, որ զոհերի իրական թիվը կարող է ավելի մեծ լինել, քանի որ ռուսական բանակի կողմից օկուպացված տարածքներում տեղեկատվության հավաքագրումը դժվար է։
