![ԼՈՒՍԱՆԿԱՐՆԵՐ. Բելառուսում ապամոնտաժվում են ռուս ժամկետային զինծառայողների վրանային ճամբարները](https://auroranews.am/storage/img/base_image/old/d7cdaf5965d3275bc3331ac9bfd965d2.webp)
ԼՈՒՍԱՆԿԱՐՆԵՐ. Բելառուսում ապամոնտաժվում են ռուս ժամկետային զինծառայողների վրանային ճամբարները
![ԼՈՒՍԱՆԿԱՐՆԵՐ. Բելառուսում ապամոնտաժվում են ռուս ժամկետային զինծառայողների վրանային ճամբարները](https://auroranews.am/storage/img/base_image/old/d7cdaf5965d3275bc3331ac9bfd965d2.webp)
Ազատություն ռադիոկայանի բելառուսական ծառայության փոխանցմամբ՝ Planet Labs-ի արբանյակային լուսանկարները արձանագրել են բելառուսական երեք հիմնական պոլիգոնների տարածքում ուսումնամարզական վրանային ճամբարների վերացումը, որտեղ մարզվել են ռուս մոբիլիզացվածները։ Խոսքը Բարանովիչի, Լեպելի և Օսիպովիչի մոտ գտնվող զորավարժությունների մասին է։
Մասնավորապես, 2023 թվականի հուլիսի 4-ին արված լուսանկարում Բարանովիչիի մոտ գտնվող Օբուզ-Լեսնովսկի մարզադաշտի ճամբարն այլևս չկա։ Արբանյակային պատկերները ցույց են տալիս, որ 2022 թվականի հոկտեմբերին կառուցված ճամբարի ապամոնտաժումը սկսվել է միայն հունիսի 30-ին։
Ռուս զինվորականները Լեպել պոլիգոնում են գտնվում 2022 թվականի հոկտեմբերի կեսերից։ 2023 թվականի հուլիսի 4-ի լուսանկարը ցույց է տալիս, որ տեղում գտնվող վրանային քաղաքը նույնպես ապամոնտաժման փուլում է։
Միևնույն ժամանակ, վերջերս հայտնի դարձավ Բելառուսում նոր վրանային ճամբարի մասին, որը, վարկածներից մեկի համաձայն, նախատեսված է Վագներ ՊՄԿ-ի վարձկանների համար։ Այս տեղեկատվության հաստատումը դեռևս չկա։