Միլաշինայի և Նեմովի վրա հարձակվողները շրջել են առանց պետհամարանիշի մեքենայով. Չեչնիայի օմբուդսմեն
Լրագրող Ելենա Միլաշինայի և փաստաբան Ալեքսանդր Նեմովի վրա հարձակում կատարողները դեռևս չեն բացահայտվել։ Այս մասին հայտարարել է Չեչնիայի օմբուդսմեն Մանսուր Սոլտաևը։
«Այս պահին հարձակվողները բացահայտված չեն։ Որքան գիտեմ, նրանք շրջել են առանց պետհամարանիշների մեքենայով»,- մեջբերում է РИА Новости-ն։
Սոլտաևի կարծիքով՝ տեղի ունեցածը կարող է ուղղված լինել Չեչնիայի իշխանությունների վարկաբեկմանը։
Ավելի վաղ Հյուսիսային Օսիայում մարդու իրավունքների հանձնակատար Թամերլան Ցգոևը հայտնել էր, որ Նեմովն ու Միլաշինան Մոսկվա կհասցվեն։
