«Նույն տրամաբանությամբ, առաջարկում եմ Էկոնոմիկայի նախարարությունն ամբողջությամբ քաչալացնել». Սամսոն Գրիգորյան

«Էկոնոմիկայի նախարարությունը, պատճառաբանելով, որ փողոցում վաճառվող ձմերուկն ու սեխը հնարավոր է կտրվեն կեղտոտ դանակով և հնարավոր է չպահպանվեն պահպանման կանոնները, ընդհանրապես արգելում է դրանց կտրված վիճակում վաճառքը՝ սահմանելով մինչև 100,000 դրամ տուգանք»։ Այս մասին ֆեյսբուքյան իր էջում գրել է գործարար Սամսոն Գրիգորյանը: 

«Նույն տրաբանությամբ, առաջարկում եմ Էկոնոմիկայի նախարարությունն ամբողջությամբ քաչալացնել, որովհետև հնարավոր է՝ պարկովչիկներից մեկը գլխին ոջիլ ունենա։ 

Այո կոպիտ է, ցինիկ և զավեշտալի, սակայն ոչնչով չտարբերվող սիրելի նախարարության բերած օրենքներից և հիմնավորումներից։ 
Թվեր, ապացույցներ, հետազոտություններ, տարանջատումներ, ո՞ւր են, իսկ սառնարաններով խանութներն ինչո՞ւ չեն առանձնացվել, իսկ լվացարաններով և ծածկերով տաղավարներին ինչո՞ւ չեն առանձնացվել։ 

Այսքանից հետո, ինձ համար առնվազն նպատակներն անհասկանալի են։ Խնդիր միանշանակ կա, լուծում էլ կա, բայց ոչ երբեք նման սիրողական և տգետ մակարդակով։ 
Դնում եմ իշխանության պաշտելի եվրոպական և ամերիկյան խանութներից նկարներ»:

[af0daf20340aab4bc7446d82703051db.jpg]

[b0ae6a32618b4e04768a6a87a1703afd.jpg]

[fa43ac693cbe89bde85820f8c78cb1e9.jpg]

[87e346684beb005d0eb1229e85e6d568.jpg]

[8047f2b2dd4cc9697e2c1a0f69154077.jpg]