Պուտինը փորձում է հեղինակազրկել Պրիգոժինին և նրան զատել «Վագներ»-ից. ISW
Նախագահ Պուտինը փորձում է Եվգենի Պրիգոժինին ներկայացնել որպես կոռումպացված ստախոս՝ «Վագներ»-ում նրա հեղինակությունը ոչնչացնելու համար․ գրում է Պատերազմի ուսումնասիրման ամերիկյան ինստիտուտը (ISW) իր վերջին զեկույցում։ Հունիսի 27-ին Պուտինը հասկացրեց, որ Concorde ընկերության սեփականատերը ստել է Կրեմլից «Վագներ»-ի անկախության և նրա անձնակազմին պետական փոխհատուցման բացակայության մասին:
Պրիգոժինն իր անձնական հեղինակությունը կառուցել է կոռուպցիայի և արևմտյան երկրների հետ կապերի համար ռուս զինվորական հրամանատարներին և բյուրոկրատներին քննադատելու վրա, և Պուտինը, հավանաբար, փորձում է ոչնչացնել Պրիգոժինի պոպուլիստական կերպարը՝ մեղադրելով նրան նույն մեղքերի մեջ։
