Էրդողանը հեռախոսազրույց է ունեցել նաև Ալիևի հետ

Այսօր հեռախոսազրույց է կայացել Ադրբեջանի և Թուրքիայի նախագահների միջև, Իլհամ Ալիևը և Ռեջեփ Էրդողանը շնորհավորել են միմյանց Կուրբան Բայրամի առթիվ, երկու առաջնորդները քննարկել են նաև դաշնակցային հարաբերությունները։

«Հեռախոսազրույցի ընթացքում վստահություն է արտահայտվել, որ երկկողմ բարեկամական և եղբայրական հարաբերությունները կշարունակեն հաջողությամբ զարգանալ բոլոր ոլորտներում, տեղի է ունեցել մտքերի փոխանակում դաշնակցային հարաբերությունների հետագա զարգացման շուրջ», - հաղորդում է Ադրբեջանի նախագահի մամլո ծառայությունը:

Ավելի վաղ հայտնել էինք, որ Վարչապետ Նիկոլ Փաշինյանը հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ։ 

Վարչապետը շնորհավորել է նախագահին Կուրբան Բայրամի առթիվ, իսկ նախագահը շնորհավորել է վարչապետին գալիք Վարդավառի՝ Հիսուս Քրիստոսի Պայծառակերպության տոնի առթիվ։