Ուկրաինան ակնկալում է այս տարի F-16 կործանիչներ ստանալ․ Երմակ

Ուկրաինան հույս ունի արևմտյան գործընկերներից ստանալ առաջին F-16 կործանիչները մինչև 2023 թվականի վերջ։ Այս մասին, «РБК-Украина»-ի հաղորդմամբ, ասել է Վլադիմիր Զելենսկու գրասենյակի ղեկավար Անդրեյ Երմակը։

«Ես հավատում եմ, որ մենք կարող ենք ձեռք բերել առաջին կործանիչները մինչև այս տարվա վերջ»,- ասել է նա։  

Ըստ Երմակի՝ ավիացիոն կոալիցիայի գրեթե բոլոր երկրները պատրաստ են Ուկրաինային մատակարարել F-16 կործանիչներ։ Եվ եթե ոմանք, ինչպես պնդում է Երմակը, պատրաստ են մատակարարումներ կատարել մինչև այս տարվա վերջ, ապա ոմանք էլ չեն կարող «տեխնիկական խնդիրների» պատճառով։