Հայտնի է, թե ինչ պատճառով է Երասխի վարչական ղեկավարն ազատվել աշխատանքից
Երասխ բնակավայրի վարչական ղեկավար Սարո Այվազյանն ազատվել է աշխատանքից։ Տեղեկությունը հայտնում է ՀՀ Արարատի համայնքապետարանի մամուլի ծառայությունը։
Երասխ բնակավայրի վարչական ղեկավարի պաշտոնավարման իրավասութրունները դադարեցվել են աշխատանքային կարգապահական կանոնները խախտելու պատճառով։
«Նա աշխատանքային պարտականությունները անհարգելի պատճառով չի կատարել, վարչական ղեկավարին ոչ պատշաճ վարքագիծ է դրսևորել, պաշտոնական պարտականությունները վերազանցել է։ Հաշվի է առնվել նաև չմարված 2 կարգապահական տույժի առկայությունը»,– ասված է հաղորդագրությունում։
