ՏԵՍԱՆՅՈՒԹ․ Սև ծովի երկնքում ռուսական Су-27-երը բրիտանական կործանիչներ են «որսացել»

Սև ծովի երկնքում ռուսական երկու Су-27 կործանիչները նկատել են ռուսական պետական սահմանին մոտեցող RC-135 հետախուզական ինքնաթիռ և երկու Typhoon բազմանպատակային կործանիչներ, հայտնում է РИА Новости-ն՝ հղում տալով Պաշտպանության ազգային կառավարման կենտրոնին։ 

«2023 թվականի հունիսի 26-ին Սև ծովի ջրերի օդային տարածքի վերահսկման ռուսական միջոցները երեք օդային թիրախ են հայտնաբերել, որոնք մոտենում էին Ռուսաստանի Դաշնության պետական ​​սահմանին»,- նշվում է հրապարակման մեջ։ 

Օդ է բարձրացվել հակաօդային պաշտպանության զորքերի մարտական ​​հերթապահությունը։ Նրանք հայտնաբերել են օդային թիրախներ՝ բրիտանական ռազմաօդային ուժերի երեք ինքնաթիռ։ 

«Երբ ռուսական կործանիչները մոտեցան, օտարերկրյա ռազմական ինքնաթիռները շրջադարձ կատարեցին Ռուսաստանի Դաշնության պետական ​​սահմանից»,- ընդգծել է գործակալությունը։