Ուկրաինական հակահարձակումը չի արդարացնում ԱՄՆ-ի սպասումները․ Պենտագոնի աղբյուր
Ուկրաինական հակահարձակումը չի արդարացնում ԱՄՆ-ի սպասումները, Ուկրաինայի զինված ուժերը մեծ կորուստներ են կրում: Այս մասին հայտնում է CNN-ը՝ հղում անելով Պենտագոնի աղբյուրներին։
Լրատվամիջոցն ընդգծել է, որ Սպիտակ տունը «շարունակում է լավատեսորեն տրամադրված մնալ» և պատրաստվում է սպասել ուկրաինական «հարձակման» գնահատման մասին տվյալերի հրապարակմանը առնվազն մինչև հուլիս։
Հեռուստաալիքի աղբյուրները նշել են նաև Ուկրաինայի զինված ուժերի ծանր կորուստների մասին: Ըստ հրապարակման՝ Ուկրաինայի Զինված ուժերի հրամանատարությունը հույսը դրել էր «բլիցկրիգի» վրա, սակայն Կիևում ակնհայտորեն թերագնահատել էին ռուսական բանակի պատրաստվածությունը։
Նշենք, որ ըստ The Wall Street Journal-ին հարցազրույց տված ԱՄՆ բանակի գնումների բաժնի ղեկավար Դագ Բուշի՝ ԱՄՆ-ն Ուկրաինայում ռուսական ռազմական գործողության սկզբից կրկնապատկել է արկերի արտադրությունը: Նա նաև հավելել է, որ պետությունները նախատեսում են մինչև այս տարվա վերջ արկերի արտադրությունը հասցնել ամսական 80 հազար միավորի։
