14-ամյա աղջիկը մահացել է թունդ գարեջուր խմելուց հետո. ՌԴ

ՌԴ-ի Եկատերինբուրգի Օրջոնիկիձևսկի շրջանի Սվերդլովսկի մարզում 14-ամյա աշակերտուհին այցելել է ընկերուհուն և թունդ գարեջուր խմել, ինչի հետևանքով անչափահասը մահացել է։ Այս մասին հայտնում է gazeta.ru-ն:

Պարզվել է, որ աղջիկը ընկերոջ հետ գտնվել է վարձակալած բնակարանում և այնտեղ ալկոհոլային խմիչք է փորձել։

«Աղջիկը դժգոհեց վատ ինքնազգացողությունից և գնաց կողքի սենյակ՝ պառկելու։ Արդեն գիշերը ընկերուհին հայտնաբերել է, որ նա ծանր է շնչում, և նրա համար շտապօգնություն է կանչել. դեպքի վայր ժամանած բժիշկներն արձանագրել են նրա մահը»,- ավելացրել է հրապարակումը։

Հետաքննության ընթացքում պարզվել է, որ աշակերտի մահվան պատճառ կարող էին դառնալ Անաֆրանիլ հաբերը (հակադեպրեսանտ դեղամիջոց)։ Հենց այս դեղամիջոցն է անհամատեղելի ալկոհոլի հետ:

Դեռահասի մարմնի վրա բռնի մահվան հետքեր չեն եղել։ Աշակերտուհին գրանցված չի եղել PDN-ում:

Սպասվում է, որ մահվան ստույգ պատճառը հայտնի կդառնա դիահերձումից հետո։