Եգիպտոսում ռուս տղային հոշոտած շնաձուկը թանգարանային ցուցանմուշ կդառնա
Եգիպտոսում ռուսին սպանած և կուլ տված շնաձուկը թանգարանային ցուցանմուշ կդառնա: Այս մասին հայտնում է Gazeta.ru-ն` հղում անելով Al Arabiya-ն։
Այժմ ծովային գիտությունների ինստիտուտի և Կարմիր ծովի արգելոցների մասնագետները ձկան դիակը պատրաստում են թանգարանում տեղադրելու համար։
Նշենք, որ հունիսի 8-ին հայտնի է դարձել, որ եգիպտական Հուրգադայում շնաձկան հարձակումից մահացել է Ռուսաստանի 23-ամյա քաղաքացի Վլադիմիր Պոպովը՝ հոր աչքի առաջ։ Ռուսաստանի գլխավոր հյուպատոսությունը հաստատել է ռուսաստանցու մահը:
Եգիպտական հանգստավայրում լողափերը փակվել են արտակարգ իրավիճակից հետո, սակայն հունիսի 11-ին Եգիպտոսի իշխանությունները վերաբացել են դրանք՝ բացառությամբ այն վայրի, որտեղ ռուսը մահացել է։
Տեղի իշխանությունները հայտնել են, որ սա Եգիպտոսում 2023 թվականին զբոսաշրջիկի վրա շնաձկան հարձակման միակ գրանցված դեպքն է։
