ՏԵՍԱՆՅՈՒԹ. Կիևում տղամարդը ոստիկաններին մարիխուանա է առաջարկել
Կիևում՝ Շուխևիչ պողոտայում, պատահական անցորդը մոտեցել է ոստիկաններին, որպեսզի նրանց թմրանյութ «հյուրասիրի»։ Դրանից հետո նրան բերման են ենթարկել։
Այս մասին հայտնել են Կիևի պարեկային ոստիկանությունից։
Ինչպես մանրամասնում է korrespondent.net-ը, ոստիկանները բերման են ենթարկել ճանապարհային երթևեկության կանոնները խախտած վարորդին։ Խախտումն արձանագրելիս ոստիկաններին մոտեցել է մի տղամարդ և մարիխուանա առաջարկել։
«Տեսուչները զարմացել են և տղամարդուն հարցրել՝ արդյոք նա իսկապես արգելված նյութեր է պահում, ինչին ի պատասխան տղամարդը գրպանից հանել է կանեփի նման բուսական նյութով փաթեթ»,- ասվում է հաղորդագրությունում։
Դրանից հետո օրինախախտը բերման է ենթարկվել:
