ՏԵՍԱՆՅՈՒԹ. Կանադայում շարունակվում են անտառային հրդեհները. 120 հազար մարդ տարհանվել է

Կանադայում վիճակը շարունակում է լարված մնալ: Հայտնում են տեղի լրատվականները:

Անտառային հրդեհների պատճառով ԱՄՆ-ի արևելքում գտնվող մի շարք դպրոցներ չեղարկել են բացօթյա դասընթացները: Որոշ ավիաընկերություններ հետաձգել են թռիչերը: ԱՄՆ նախագահ Ջո Բայդենը թվիթերյան իր էջում գրել է, որ 600 ԱՄՆ հրշեջներ, աջակցող անձնակազմ և հատուկ սարքավորումներ են ուղարկվել Կանադա: Մասնագետները բնակիչներին հորդորում են մնալ տանը, քանի որ դրսում ժամանակ անցկացնելը կարող է շնչառական խնդիրներ առաջացնել` մթնոլորտում առկա մանր մասնիկների բարձր մակարդակի պատճառով: 

Ծուխն այնքան թանձր է օդում, որ Նյու Յորքի հայտնի երկաթգիծը գրեթե կորել է մարդկանց տեսադաշտից: Քաղաքն ամբողջովին պատվել է ծխով: 

Բնակիչների մոտ շնչառական խնդիրներ են առաջացել: Վիճակն այնքան սրված է, որ մարդիկ դրսում սկսել են բժշկական դիմակներ կրել: Նյու Յորքի նահանգապետ Քեթի Հոչուլը հայտարարել է, որ նահանգի որոշ հատվածներում օդի աղտոտվածության ցուցիչը նորմայի ցուցանիշից բարձր է 8 անգամ: Անտառային հրդեհների պատճառով այրվել է մոտ 3,8 միլիոն հեկտար տարածք: Ավելի քան 120 հազար մարդ տարհանվել է: