ԼՈՒՍԱՆԿԱՐՆԵՐ. Այգում դանակով հարձակում է տեղի ունեցել. տուժածների մեծ մասը երեխաներ են. Ֆրանսիա
Առնվազն յոթ մարդ, այդ թվում՝ վեց երեխա, դանակահարվել է Ֆրանսիայի արևելյան Անսի քաղաքում տեղի ունեցած հարձակման հետևանքով։ Հայտնում է bbc.com-ը:
Դանակով զինված տղամարդը առավոտյան ժամը 9:45-ին քաղաքի լճի մոտ գտնվող այգում հարձակվել է երեք տարեկան երեխաների վրա, հայտնում են իշխանությունները:
Ֆրանսիական հեռուստատեսության տվյալներով՝ երեխաներից մի քանիսը գտնվում են ծայրահեղ ծանր վիճակում։
Ֆրանսիայի ներքին գործերի նախարար Ժերալդ Դարմանինը թվիթերում գրել է, որ հարձակվողը «ձերբակալվել է անվտանգության ուժերի օպերատիվ արձագանքի շնորհիվ»։
Դեպքի վայր է մեկնել Ֆրանսիայի վարչապետ Էլիզաբեթ Բորնը։ Անսի քաղաքը գտնվում է ֆրանսիական Ալպերում՝ Ժնևից 40 կմ հեռավորության վրա։
