ՏԵՍԱՆՅՈՒԹ․ «Մոկա» մահացու փոթորիկը հարվածել է Բանգլադեշին և Մյանմայի ափերին
«Մոկա» հզոր ցիկլոնը հարվածում է Բանգլադեշի և Մյանմայի ափերին, որն ուղեկցվում է հորդառատ անձրևներով և մինչև 195 կմ/ժ արագության քամիներով (120 մղոն/ժ), ինչը կարող է վտանգավոր ջրհեղեղների հանգեցնել Բենգալյան ծոցի շրջակայքում գտնվող ցամաքում:
Մինչև չորս մետրանոց փոթորիկները կարող են ճահճացնել ցածրադիր վայրերում գտնվող գյուղերը:
Մտավախություն կա, որ այն կարող է հարվածել աշխարհում ամենամեծ փախստականների ճամբարին՝ Քոքսի Բազարին, որտեղ ապրում է մոտ մեկ միլիոն մարդ, հայտնում է BBC -ին:
Ըստ կանխատեսումների, «Մոկա»ցիկլոնը կարող է լինել Բանգլադեշում վերջին երկու տասնամյակների ընթացքում ամենահզոր փոթորիկը: Մոտ 500 հազար մարդ տարհանվել է ավելի ապահով շրջաններ։
Տեղական լրատվամիջոցները հայտնում են, որ Մյանմայի Ռախայն նահանգում ծառի տապալման հետևանքով 14-ամյա տղա է մահացել, տարբեր շրջաններում տեղեկություններ կան վնասված և փլուզված շենքերի մասին։
Քոքս Բազարի դպրոցներում և վանքերում ստեղծվել են բազմաթիվ ապաստարաններ, որոնք գերբնակեցված են: Կառավարությունը սողանքի վտանգի մասին նախազգուշացում է տարածել։
Փրկարարական խմբերը ջրհեղեղի հետևանքով արգելափակման մասին ահազանգեր են ստանում։
