ՏԵՍԱՆՅՈՒԹ. Փլուզվել է Ֆիննական Էսպոո քաղաքի հետիոտնային կամուրջը. կա 27 վիրավոր, այդ թվում երեխաներ
Ֆիննական Էսպոո քաղաքում դժբախտ պատահար է տեղի ունեցել, փլուզվել է ժամանակավոր հետիոտային կամուրջը։ Այս մասին հայտնել է շրջանի փրկարար ծառայությունը։ Տուժածների ընդհանուր թիվը 27 է, որոնց մեծամասնությունը ցածր դասարանի դպրոցականներ են:
«Տապիոլայում (Էսպոո) դժբախտ պատահար է տեղի ունեցել՝ փլուզվել է ժամանակավոր հետիոտն կամուրջը։ Տուժածների ընդհանուր թիվը 27 է»,- նշվում է փրկարարների հաղորդագրությունում:
Փլուզման հետևանքով 15 մարդ, մեծամասամբ վերջույթների կոտրվածքներով տեղափոխվել են բուժհաստատություններ:
Ֆիննական ԶԼՄ-ների տվյալներով՝ տուժածներից շատերն այդ շրջանի հանրակրթական դպրոցի աշակերտներ են։
