ՏԵՍԱՆՅՈՒԹ․ Թունիսում սինագոգի մոտ հրաձգության հետևանքով չորս մարդ է զոհվել
Չորս մարդ է զոհվել, ևս վեցը վիրավորվել Թունիսի Ջերբա կղզու Գրիբա սինագոգում նախորդ գիշեր տեղի ունեցած հրաձգության հետևանքով, հայտնում են տեղական լրատվամիջոցները՝ վկայակոչելով երկրի ՆԳՆ-ին։
Չորս մարդ է զոհվել Թունիսում հրեական ուխտատեղիի մոտ տեղի ունեցած հարձակման հետևանքով։
Ոստիկանության տվյալներով՝ Աղիր Ջերբայում ծովային հետեւակի ազգային գվարդիայի զինծառայողը սպանել է իր ծառայակցին, ապա գնացել Գրիբի սինագոգ ու կրակ բացել այն հսկող անվտանգության ուժերի վրա։ Պատասխան կրակով կրակողը վնասազերծվել է.
Գերատեսչությունը հայտնել է, որ սինագոգը շրջափակված է, տարածքը հսկվում է, պարզվում են միջադեպի պատճառները։
Ամենամյա ուխտագնացությունը դեպի Աֆրիկայի ամենահին սինագոգը կանոնավոր կերպով հարյուրավոր հրեաների է գրավում Եվրոպայից և Իսրայելից դեպի Ջերբա՝ խոշոր հանգստավայր Թունիսի հարավային ափերի մոտ, որը գտնվում է երկրի մայրաքաղաքից 500 կմ հեռավորության վրա:
