Ֆրանսիայի և Լեհաստանի դեսպանները վիճել են Ուկրաինայի պատճառով. մանրամասներ

Ֆրանսիայի և Լեհաստանի միջև տարաձայնությունները բարդացրել են Ուկրաինայի համար Եվրամիության կողմից զինամթերք գնելու շուրջ բանակցությունները և հանգեցրել դիվանագետների միջև փոխադարձ մեղադրանքների: Այս մասին գրում է РИА Новости-ին` հղում անելով Politico-ին։ 

«Վեճը ծագել է Ֆրանսիայի դիրքորոշման պատճառով, որը կարծում է, որ զինամթերքի գնման պայմանագրերը պետք է կնքվեն միայն Եվրամիության ընկերությունների հետ: Բլոկի որոշ այլ անդամների ներկայացուցիչներ կարծում են, որ անհրաժեշտ է ներառել ընկերություններ ԱՄՆ-ից և Մեծ Բրիտանիայից»,- ասվում է հրապարակման մեջ։ 
 

Ըստ հոդվածի ԵՄ-ում Ֆրանսիայի դեսպանը քննադատել է իր լեհ գործընկերոջը՝ մամուլում ասելու համար, որ Փարիզը խոչընդոտում է վերջնական գործարքի կնքմանը։ Լեհ դիվանագետը պատասխանել է, որ Փարիզը միայն բարդացնում է բանակցությունները։ 

Հրատարակության տվյալներով՝ Շվեդիան փորձել է հարթել տարաձայնությունները և առաջարկել համաձայնագրի նոր տարբերակ, սակայն այն չի ստորագրվել։ 

Փոխզիջումային փաստաթուղթը սահմանափակեց առաջիկա պայմանագրերը «միությունում և Նորվեգիայում հաստատված տնտեսական օպերատորներով», բայց ներառում էր մի տող, որտեղ ասվում էր, որ հրահանգը չպետք է նախադեպ ստեղծի», – եզրափակվում է հոդվածում: