Պատգամավոր Մհեր Սահակյանին մեղադրանք է առաջադրվել
ՀՀ քննչական կոմիտեն ապրիլի 14-ին ԱԺ «Հայաստան» խմբակցության պատգամավոր Մհեր Սահակյանին հրավիրել է և մեղադրանք առաջադրել, որից հետո նրան նկատմամբ խափանման միջոց է ընտրվել բացակայելու արգելքը: Այս մասին հայտնել են ՀՀ քննչական կոմիտեից։
«Մեղադրանք է առաջադրվել քրեական օրենսգրքի 297-րդ հոդվածի 1-ին մասով և 171-րդ հոդվածի 2-րդ մասի 7-րդ կետով, այն է՝ խուլիգանություն ու խուլիգանական դրդումներով մարդու առողջությանը թեթև վնաս պատճառելը»:
Հիշեցնենք՝ մարտի 31-ին ԱԺ պետաիրավական հանձնաժողովի փակ նիստում Մհեր Սահակյանը հարվածել էր ՔՊ խմբակցության պատգամավոր Վլադիմիր Վարդանյանին։
Ազգային ժողովն էլ 65 կողմ ձայնով համաձայնություն տվեց «Հայաստան» խմբակցության պատգամավոր Մհեր Սահակյանի նկատմամբ քրեական վարույթ հարուցելու` գլխավոր դատախազ Աննա Վարդապետյանի միջնորդությանը։
