Բաքուն կոչ է անում անհապաղ ազատել Հայաստանում ձերբակալված ադրբեջանցի զինծառայողներին
Բաքուն կոչ է անում անհապաղ ազատ արձակել Հայաստանում ձերբակալված ադրբեջանցի զինծառայողներին, որոնք ապօրինի հատել են ՀՀ սահմանը:
Այս մասին հայտարարել է Ադրբեջանի ԱԳ նախարար Ջեյհուն Բայրամովը՝ ԱՄՆ պետքարտուղարի Կովկասում բանակցությունների գծով ավագ խորհրդական Լյուիս Բոնոյի հետ զրույցի ժամանակ։
Հիշեցնենք, որ ՀՀ սահմանը ապօրինի հատած ադրբեջանցի զինծառայողներից մեկը կասկածվում է Զանգեզուրի պղնձամոլիբդենային կոմբինատի պահնորդի սպանության մեջ, ըստ լրատվականներում տարածված տեղեկությունների` պահնորդի հեռախոսը գտել են ադրբեջանցու մոտ:
Վարչապետ Նիկոլ Փաշինյանն էլ հայտնել էր, որ ձերբակալված առաջին ադրբեջանցին ցանկություն չի հայտնել վերադառնալու Ադրբեջան:
Ավելի վաղ տեղեկացրել էինք, որ ՀՀ տարածքում հայտնված ադրբեջանցի երկու զինծառայողներին մեղադրանք է ներկայացվել. նրանք կալանավորվել են:
