ՏԵՍԱՆՅՈՒԹ․ Զոհված զինծառայողների ծնողները՝ ՔԿ-ի դիմաց․ Քյարամյանը հեռացավ ոստիկանների շնորհիվ
Այստեղ են զոհված զինծառայողների այն ծնողները, ում ապօրինաբար ու անհարգալից կերպով քաշքշելով բերման էին ենթարկել իրավապահներն անցած սեպտեմբերի 21-ի, դրանից հետո էլ նրանք ենթարկվում են իրավական քաշքշուկների։ Այս մասին ուղիղ եթերում ասել է «Հայաստան» խմբակցության պատգամավոր Ասպրամ Կրպեյանը:
«Հիմա 44-օրյայի ժամանակ զոհված ծնողները 24-ժամյա նստացույց են անում, կոչ եմ անում՝ գաք, տեսնեք՝ ինչ է այստեղ կատարվում: Մի քանի տասնյակ ծնողների դեմ կանգնած են հարյուրավոր ոստիկաններ»,- հավելել է նույն խմբակցության պատգամավոր Քրիստինե Վարդանյանը։
Ըստ ԶԼՄ-ների՝ ՔԿ-ի դիմաց նետվել են շշեր, հնչել են «դավաճան» վանկարկումներ։ Ինքը՝ ՔԿ նախագահ Արգիշտի Քյարամյանը հեռացել է ոստիկանների շնորհիվ։
