Մարդ լինի, հոդված կգտնվի․ Բոլթոնը մեջբերել է Բերիային՝ մեկնաբանելով Թրամփի ձերբակալությունը
ԱՄՆ ազգային անվտանգության նախկին խորհրդական Ջոն Բոլթոնը CNN-ի եթերում մեկնաբանել է Սպիտակ տան նախկին ղեկավար Դոնալդ Թրամփի մեղադրանքներն ու ձերբակալությունը։
Բոլթոնը հայտարարել է, որ հիշել է մի միտք՝ «մարդ լինի, հոդված կգտնվի»։ Այս արտահայտությունը վերագրվում է ԽՍՀՄ Պետական անվտանգության գլխավոր հանձնակատար Լավրենտի Բերիային։
Ավելի վաղ Նյու Յորքի դատարանը Թրամփին մեղադրանք է առաջադրել 34 կետով փաստաթղթեր կեղծելու մեջ։ Նախկին նախագահը նշել է, որ իր մեղավորության ապացույցներ չկան։ Հաջորդ դատական նիստը նշանակվել է 2023 թվականի դեկտեմբերի 4-ին, իսկ գործն ըստ էության կքննվի միայն 2024 թվականի հունվարին։
Fox News հեռուստաալիքը հաշվարկել է առավելագույն հնարավոր պատիժը, որը սպառնում է ԱՄՆ նախկին նախագահ Դոնալդ Թրամփին մեղադրանքի առաջադրումից հետո՝ մինչև 136 տարվա ազատազրկում։
