Դոնալդ Թրամփին կարող է սպառնալ մինչև 136 տարվա ազատազրկում

Մեղադրանքները, որոնք առաջադրվել են ԱՄՆ նախկին նախագահ Դոնալդ Թրամփի դեմ, ենթադրում են առավելագույնը 136 տարվա ազատազրկում։ Այս մասին հայտնում է FoxNews հեռուստաալիքը։
 

Նշվում է, որ այնուամենայնիվ, իրական պատիժը, հավանաբար, շատ ավելի քիչ կլինի, եթե նա մեղավոր ճանաչվի մեղադրանքներից որևէ մեկի կամ բոլորի համար:
 

Ավելի վաղ ԱՄՆ նախկին նախագահին մեղադրանք է առաջադրվել 34 կետով, որոնք վերաբերում են բիզնես փաստաթղթերի կեղծմանը և հանցավոր դավադրությանը։
 

Ցանցը մանրամասնում է, որ բիզնես փաստաթղթերի կեղծումը, որպես կանոն, Նյու Յորքում համարվում է զանցանք, բայց որպես քրեական հանցագործություն՝ այն ենթադրում է առավելագույնը չորս տարի ժամկետ, երբ «մեղադրյալի խաբեության մտադրությունը ներառում է մեկ այլ հանցագործություն կատարելու մտադրություն կամ հանցագործության կատարումը թաքցնելը»: 

Թրամփն իրեն մեղավոր չի ճանաչել իրեն առաջադրված մեղադրանքներում։ Նա դարձել է ԱՄՆ պատմության մեջ պետության առաջին նախկին ղեկավարը, ում նկատմամբ քրեական հետապնդում է իրականացվել:
 

2018 թվականի հունվարին The Wall Street Journal-ը հրապարակել էր հոդված, որտեղ նշվում էր, որ 2006 թվականին Թրամփը իբր հարաբերությունների մեջ է եղել պոռնոդերասանուհի Սթորմի Դենիելսի հետ, իսկ 2016 թվականի նախագահական ընտրություններից քիչ առաջ նա նրան վճարել է 130,000 դոլար՝ լռելու դիմաց։ Ինքը՝ Թրամփը, վստահեցրել է, որ Դենիելսի հետ անձնական հարաբերություններ չունի։
 

Նախկին նախագահը և նրա դաշնակիցները բազմիցս հայտարարել են, որ իրեն ուղղված մեղադրանքները քաղաքական դրդապատճառներ ունեն։