ԱՄՆ-ն պատժամիջոցներ է սահմանել Վրաստանի Արդարադատության բարձրագույն խորհրդի չորս անդամների նկատմամբ

ԱՄՆ-ը վիզային պատժամիջոցներ է սահմանել Վրաստանի Արդարադատության բարձրագույն խորհրդի չորս անդամների նկատմամբ՝ նրանց մեղադրելով «զգալի կոռուպցիայի մեջ»։ Այս մասին գրում է РИА Новости-ն՝ հղում տալով ԱՄՆ պետքարտուղար Էնթոնի Բլինքենին։

«Այդ անձինք չարաշահել են Վրաստանի դատարանների նախագահների և Արդարադատության բարձրագույն խորհրդի անդամների՝ իրենց դիրքերը, խարխլել են օրենքի գերակայությունը և հանրային վստահությունը Վրաստանի իրավական համակարգի նկատմամբ»,- նշվում է հայտարարության մեջ։

Այսպիսով, վիզային պատժամիջոցներ են սահմանվում Միխեիլ Չինչալաձեի, Լևան Մուրուսիձեի, Իրակլի Շենգելիայի և Վալերիան Ցերցվաձեի նկատմամբ։

Արդարադատության բարձրագույն խորհուրդը Վրաստանում դատական ​​իշխանության գլխավոր կառավարման մարմինն է և դիրքավորվում է որպես նրա անկախության երաշխավոր։