ՏԵՍԱՆՅՈՒԹ. «Ո՞վ է որոշել, որ դուք ավելի հայրենասեր եք, քան ես». ՊՆ փոխնախարար

«Հետևե՛ք պաշտոնական լրահոսին... Ճանապարհ կտա՞ք»,- ապրիլի 3-ին՝ ԱԺ-ում լրագրողների հետ զրույցում ասել է Պաշտպանության փոխնախարար Արման Սարգսյանը՝ անդրադառնալով Տեղ գյուղի մերձակայքում ադրբեջանցիների ամրանալու վերաբերյալ հարցերին: 

 «Ո՞վ է որոշել, որ դուք ավելի հայրենասեր եք, քան ես»,- ասել է պաշտոնյան:

Մանրամասները` տեսանյութում:

Հիշեցնենք, որ ըստ ԱԱԾ հաղորդագրության՝ Տեղ գյուղի մոտ ադրբեջանական զինված ուժերի տեղակայման ընթացքում ի հայտ են եկել քարտեզների տարընթերցումներ: Որոշ տեղերում ադրբեջանական կողմը, չսպասելով նախապես պայմանավորված ճշգրտումներին, սկսել է դիրքավորվել եւ իրականացնել ինժեներական աշխատանքներ:

Հայկական կողմի հաշվարկներով հինգ այդպիսի կետ կա, որտեղ ադրբեջանական կողմը սահմանից 100-ից 300 մետր ավելի առաջ է տեղակայվել: Այժմ պայմանավորվածություն է ձեռբերվել, որ երկու կողմերի քարտեզագիրները ճշգրտեն իրավիճակը: Հայկական կողմն իրավիճակին մոտենում է էսկալացիա թույլ չտալու տրամաբանությամբ:

Ավելի ուշ ԱԱԾ-ն հայտնել էր, որ Տեղ-Կոռնիձոր հատվածում հանդիպում է տեղի ունեցել ՀՀ եւ ԱՀ ներկայացուցիչների մասնակցությամբ եւ իրականացվել սահմանի ճշգրտման աշխատանքներ, որի արդյունքում տվյալ հատվածում իրավիճակը էականորեն բարելավվել է։