WSJ-ի թղթակցի ձերբակալումից հետո Էնթոնի Բլինքենը ԱՄՆ բոլոր քաղաքացիներին կոչ է արել լքել Ռուսաստանը
ԱՄՆ վարչակազմը խորապես անհանգստացած է Ռուսաստանում ԱՄՆ քաղաքացի Էվան Գերշկովիչին՝ The Wall Street Journal-ի թղթակցին, լրտեսության մեղադրանքով ձերբակալելու կապակցությամբ։ Այս մասին նշվում է ԱՄՆ պետքարտուղար Էնթոնի Բլինքենի հինգշաբթի տարածած գրավոր հայտարարության մեջ։
«Մենք խորապես անհանգստացած ենք Ռուսաստանի կողմից ԱՄՆ քաղաքացու՝ լրագրողի ձերբակալմամբ, որը լայնորեն հրապարակվում է: Մենք կապի մեջ ենք The Wall Street Journal-ի հետ այս իրավիճակի հարցով»,- նշվում է փաստաթղթում:
ԱՄՆ քաղաքացիները, որոնք բնակվում են Ռուսաստանում կամ էլ այնտեղ են գտնվում այցով, պետք է անհապաղ լքեն երկիրը, ասել է Բլինքենը։
ԱՄՆ-ը դիմել է Գերշկովիչին հյուպատոսական հասանելիության համար։
