ՏԵՍԱՆՅՈՒԹ. Հայաստանյան կաթնամթերքի արտադրության մեջ իրանական հումք է օգտագործվում. Քերոբյան

ՀՀ էկոնոմիկայի նախարար Վահան Քերոբյանն անդրադարձել է «Ռոսսելխոզնադզորի» երեկվա հայտարարությանը, ըստ որի ՌԴ-ն կքննարկի ՀՀ-ից կաթնամթերքի մատակարարումները սահմանափակելու հարցը, քանի որ որոշակի խախտումներ են հայտնաբերվել։

«Կարծում եմ՝ այդտեղ քաղաքական որևէ ենթատեքստ չկա, բարձր չափանիշներ են ուզում»,- նշել է Քերոբյանը։

Դիտարկմանը, որ Հռոմի ստատուտի մասով ՍԴ-ի կողմից կայացված որոշումից հետո եղավ այս հայտարարությունը, նախարարն արձագանքեց՝ դրա վերաբերյալ որևէ բան չի կարող ասել։

Այնուամենայնիվ, Վահան Քերոբյանն ընդունել է ՝ հայաստանյան կաթնամթերքի արտադրության մեջ իրանական հումք օգտագործվում է։

«Երբեմն արտոնություններ ենք տալիս ընկերություններին՝ իրանական կաթնային սերուցք ներմուծելու համար։ Մենք պետք է գործընկերների հետ կքննարկենք այդ ամենը։ Աշխատանքային մակարդակում լուծումներ կգտնենք»,- նշեց նա։

Մանրամասները՝ տեսանյութում։