ՌԴ ԱԳ նախարար Սերգեյ Լավրովն իր իրանցի գործընկեր Հոսեին Ամիր Աբդոլլահիանի հետ բանակցություններից հետո կայացած համատեղ մամուլի ասուլիսում անդրադարձել է իրանա-ադրբեջանական հարաբերություններին:

«Հուսով ենք, որ Բաքվի և Թեհրանի հարաբերություններում առկա վեճերը ժամանակավոր են և հնարավորինս շուտ կհաղթահարվեն»,-  նշել է Լավրովը:

Նա նաև նշել է, որ Թեհրանի և Բաքվի միջև հարաբերությունների կարգավորումը կնպաստի Ռուսաստան-Իրան-Ադրբեջան եռակողմ համագործակցության խթանմանը:

«Պատրաստ ենք մեր ընկերներին օգնել առկա խնդիրների լուծման հարցում»,-ասել է ՌԴ ԱԳ նախարարը։