Թրամփը հայտնել է, որ Ուկրաինայում հակամարտությանը պետք է վերջ դրվի «հենց հիմա»
ԱՄՆ նախկին նախագահ Դոնալդ Թրամփը Fox News-ին տված հարցազրույցում ասել է, որ Ուկրաինայում հակամարտությանը պետք է վերջ դրվի «հենց հիմա»։
Նրա խոսքով, այժմ ԱՄՆ-ում իշխանության ղեկին են մարդիկ, «ովքեր չգիտեն, թե ինչ են անում»։
Սպիտակ տան նախկին ղեկավարը կրկին կրկնել է իր թեզը, որ պատրաստ է մեկ օրում հասնել ուկրաինական հակամարտության կարգավորմանը։
«Եթե (հակամարտությունը) չլուծվի, ես ինքս կլուծեմ այն՝ 24 ժամվա ընթացքում (Ռուսաստանի նախագահ Վլադիմիր) Պուտինի և (Ուկրաինայի նախագահ Վլադիմիր) Զելենսկու հետ։ Դրանք շատ պարզ բանակցություններ են լինելու, բայց ես չեմ բացահայտի, թե դրանք ինչից են բաղկացած, քանի որ այս դեպքում ես չեմ կարողանա իրականացնել իմ ծրագիրը։ Դա երբեք չի աշխատի»,- ասել է ամերիկացի նախկին առաջնորդը։
