ՏԵՍԱՆՅՈՒԹ. «Ես Ջո Բայդենն եմ. այստեղ եմ, քանի որ ինձ պաղպաղակ են խոստացել»
Միացյալ Նահանգների նախագահը սկսել է իր ելույթը Սպիտակ տանը Նեշվիլում տեղի ունեցած սարսափելի ողբերգությունից հետո, որտեղ հրաձգության հետևանքով վեց մարդ էր զոհվել դպրոցում։ Բայդենը կատարվածն անվանել է «սրտաճմլիկ» և «ամենավատ ընտանեկան մղձավանջ»:
Արդյունքում նա Կոնգրեսին առաջարկեց ընդունել գրոհային զենքի արգելքը։
Քրիստոնեական դպրոցում հրաձգությունը տեղի է ունեցել երեկ կեսօրին։ Զոհվել են երեք երեխա և երեք մեծահասակ։ Ոստիկանությունը հայտնել է, որ 28-ամյա տրանսգենդեր կին Օդրի Էլիզաբեթ Հեյլին, զինված երկու ինքնաձիգով, կրակ է բացել մարդկանց վրա: Նրան սպանել են ոստիկանները ուսումնական հաստատություն գրոհի ժամանակ։
Եվ ահա` ինչ էին ասում համաշխարհային լրատվամիջոցներն այդ մասին.
New York Post- գրել է «Բայդենը կատակել է պաղպաղակի մասին Նեշվիլի հրաձգությունից հետո առաջին հայտարարության մեջ: Բայդենի անժամանակ կատակը հավանաբար կերակրելու է նրանց, ովքեր ասում են, որ նա չափազանց մեծ է վերընտրվելու համար»:
