ՄԱԳԱՏԷ-ի ղեկավարը կարող է այցելել Ռուսաստան
Ատոմային էներգիայի միջազգային գործակալության (ՄԱԳԱՏԷ) գլխավոր տնօրեն Ռաֆայել Գրոսին հայտնել է, որ Զապորոժիեի ԱԷԿ այցելելուց հետո կարող է գնալ Ռուսաստան, գրում է ТАСС-ը՝ հղում տալով Associated Press գործակալությանը:
Գրոսին նշել է, որ շատ հավանական է, որ առաջիկա օրերին կմեկնի ՌԴ:
Ավելի վաղ Գրոսին հայտարարել էր, որ մտադիր է այցելել Զապորոժիեի ԱԷԿ՝ միջուկային անվտանգության ոլորտում իրավիճակը գնահատելու համար:
Նշվում է, որ ՄԱԳԱՏԷ-ի ղեկավարի ներկայիս այցի նպատակներից մեկը հաստատությունում գործակալության անձնակազմի կանոնավոր ռոտացիայի պահպանման և բարելավման ապահովումն է: Այցը կարող է կայանալ մարտի 29-ին։
