Իրանն առաջին անգամ արձագանքել է Իսրայելի ցույցերին

Իրանի ԱԳՆ մամուլի խոսնակ Նասեր Քանանի Սաֆին առաջին անգամ հայտարարություն է արել Իսրայելում այժմ տեղի ունեցող իրադարձությունների վերաբերյալ։ Այս մասին հայտնում է լրագրող, Sputnik Iran-ի պրոդյուսեր Մարինա ալ-Շալանը։

«Հրդեհ է բռնկվել հրկիզող-բռնազավթողի տանը»,- ասել է իրանցի դիվանագետը։

Քանանին հավելել է, թե «Սիոնիստական ​​ռեժիմի վարչապետի՝ իր իշխանությունը մեծացնելու և պահպանելու փորձը կրկին բացահայտել է սիոնիստական ​​հասարակության ներքին թերությունները»:

Հիշեցնենք, որ Իսրայելում արդեն 12-րդ շաբաթն է, ինչ զանգվածային բողոքի ցույցեր են ընթանում դատական ​​համակարգի բարեփոխման դեմ։ Առաջարկվող օրենքների փաթեթը կսահմանափակի Գերագույն դատարանի լիազորությունները և կառավարությանը կհանձնի դատավորների նշանակման վերահսկողություն:

Ավելի վաղ Իսրայելի վարչապետ Բենյամին Նեթանյահուն և ազգային անվտանգության նախարար Իտամար Բեն Գվիրը պայմանավորվել են հետաձգել դատական ​​բարեփոխումների մասին օրենքի ընդունումը մինչև խորհրդարանի ամառային նստաշրջանը։