Գերմանիան Ուկրաինային փոխանցել է 18 Leopard 2A6 տանկ այնպես, ինչպես հայտարարվել է․ Շոլց
Ուկրաինայի զինված ուժերը ստացել են գերմանական Leopard 2A6 18 ժամանակակից տանկ։ Այս մասին երկուշաբթի Ռոտերդամում Նիդերլանդների վարչապետ Մարկ Ռյուտեի հետ բանակցություններից հետո լրագրողների հետ հանդիպման ժամանակ հայտարարել է Գերմանիայի կանցլեր Օլաֆ Շոլցը։
«Մենք մատակարարել ենք տանկերը այնպես, ինչպես հայտարարվել է», - ասել է Շոլցը՝ ի պատասխան հարակից հարցի։
Այսպիսով, կառավարության ղեկավարը հաստատել է Der Spiegel ամսագրի տեղեկությունը, որն ավելի վաղ հայտնել էր, որ Գերմանիայի իշխանությունների կողմից խոստացված 18 Leopard 2A6 տանկերը տեղափոխվել են Կիև։
