Ֆրանսիայի ՆԳՆ-ն մարտի 28-ի բողոքի ցույցերին 13000 ոստիկան կուղարկի

Ֆրանսիայում մարտի 28-ի լայնածավալ բողոքի ցույցերի ժամանակ կարգուկանոն կապահովեն մոտ 13000 ոստիկաններ և ժանդարմներ, որոնցից 5500-ը կներգրավվեն Փարիզում, հայտարարել է ներքին գործերի նախարար Ժերալդ Դարմանինը։ Այս մասին հայտնում է BFMTV-ն։
 

Նախարարը մտավախություն ունի, որ հասարակական կարգը խախտելու փորձեր կլինեն.

Մարտի 28-ին կլրանա բարեփոխումների դեմ ընդհանուր բողոքի տասներորդ օրը։ Արհմիությունները կոչ են անում գործադուլ անել երկաթուղու աշխատողներին, դժվարություններ են սպասվում մետրոյի աշխատանքում, գործադուլ կանեն ավիադիսպետչերները, ինչպես նաև ուսուցիչներն ու էներգետիկները, գրում է Le Figaro-ն։ Օրլիի, Մարսելի, Թուլուզի և Բորդոյի օդանավակայաններում թռիչքների մինչև 20%-ը կարող է չեղարկվել։

Որոշ քաղաքներում բողոքի ցույցերն ուղեկցվում են անկարգություններով, թալանով և հրկիզման փորձերով. Բորդոյում ցուցարարները հրկիզել են քաղաքապետարանը, բազմաթիվ հրկիզումներ են գրանցվել Փարիզում։

Ֆրանսիայի կառավարությունը մարտի կեսերին հավանություն է տվել կենսաթոշակային բարեփոխումներին՝ շրջանցելով խորհրդարանը։ Բարեփոխումների ընթացքում կենսաթոշակային տարիքը 62-ից պետք է հասցվի 64-ի։