Ֆրանսիայի դեսպանին կանչել են Թուրքիայի ԱԳՆ․ հայտնի է պատճառը
Թուրքիայում Ֆրանսիայի դեսպան Էրվե Մագրոն կանչվել է Թուրքիայի արտաքին գործերի նախարարություն՝ Ֆրանսիայի Սենատում քրդական կազմավորումների անդամներին պարգևատրելու համար, որոնց Անկարան համարում է ահաբեկիչներ: Այս մասին գրում է ТАСС-ը՝ հղում կատարելով Թուրքիայի ԱԳՆ-ում իր աղբյուրին:
«Դեսպանին փոխանցվել է, որ Թուրքիան չի ընդունում եւ խստորեն դատապարտում է Ֆրանսիայի Սենատում ԺՊՈՒ-ի («Ժողվրդական պաշտպանության ուժեր» սիրիա-քրդական կազմավորումներ) անդամներին պարգեւատրումները։ ԺՊՈՒ-ն «Քրդստանի աշխատավորական կուսակցություն» ահաբեկչական կազմակերպության սիրիական ճյուղն է: Դեսպանի ուշադրությանն է ներկայացվել նշված տարրերի անջատողական եւ ապակայունացնող գործունեությունը մեր երկրի եւ սիրիացիների դեմ»,- ասել է գործակալության զրուցակիցը։
