Բայդենը ուղերձ է հղել Ալիևին՝ անդրադառնալով նաև Հայաստան-Ադրբեջան հարաբերություններին

ԱՄՆ նախագահ Ջոզեֆ Բայդենը Նովրուզի տոնի կապակցությամբ նամակ է հղել Ադրբեջանի նախագահ Իլհամ Ալիևին։ Այս մասին հայտնում են ադրբեջանական ԶԼՄ-ները։
 

«Նորացման և մտորումների այս սեզոնում Միացյալ Նահանգները վերահաստատում է իր աջակցությունը Ադրբեջանի և Հայաստանի միջև կայուն խաղաղության հաստատմանը, որը կնպաստի Հարավային Կովկասում գալիք սերունդների անվտանգությանն ու բարգավաճմանը»,- նշվում է նամակում։

Բայդենի ուղերձում նաև նշվում է, որ Ադրբեջանը և Միացյալ Նահանգները վերջին մեկ տարվա ընթացքում «համախմբվել են էներգետիկ անվտանգության ապահովման և երկու երկրների ժողովուրդների առջև ծառացած անդրազգային մարտահրավերներին արձագանքելու համար»: