Պուտինը պատմել է՝ ինչու է Մարիուպոլում մեքենան վարել առանց ամրագոտի կապելու

Ռուսաստանի նախագահ Վլադիմիր Պուտինը խոսել է Մարիուպոլ կատարած իր ուղևորության մասին: Ըստ նրա, այն աշխատանքային էր և վաղուց «ուշացած», անհրաժեշտ էր տեսնել քաղաքի վերականգնման աշխատանքների ընթացքը։ Տեղեկատվությունը փոխանցում են ռուսական լրատվականները:

«Ժամանակն էր տեսնել, գալ և տեսնել Մարիուպոլի օրինակով, թե ինչպես են ընթանում վերականգնողական աշխատանքները, ինչ է պետք լրացուցիչ անել, ինչն է առաջնահերթություն»,- ասել է Պուտինը։

Նա նշել է, որ այցելել է տարբեր օբյեկտներ՝ ինչպես բնակելի տարածքներ, այնպես էլ կրթական համակարգի օբյեկտներ, Դաշնային բժշկական և կենսաբանական գործակալության կլինիկա, ֆիլհարմոնիա, մարզահրապարակներ։ 

Պուտինը նաեւ խոստովանել է, որ մեքենան վարել է Մարիուպոլի փողոցներով՝ առանց ամրագոտի կապելու, ամեն դեպքում, որպեսզի կարողանա արագ դուրս գալ մեքենայից։