«Ռուսական տարբերակը ենթադրում է կարգավիճակի պարզաբանում հետագայում, որը մերժվել է Ադրբեջանի կողմից»․ Միրզոյան

Արտաքին հարաբերությունների մշտական հանձնաժողովի արտահերթ նիստի ժամանակ ԱԳ նախարար Արարատ Միրզոյանը նշեց, որ սահմանումներն այն մասին, որ ՌԴ-ն առաջարկում է Արցախի հարցը թողնել ապագային, իսկ Արևմուտքը՝ այն լուծել հիմա, ճշգրիտ չեն առնվազն Արևմուտքի մասով։

«Ռուսական տարբերակը ենթադրում է կարգավիճակի պարզաբանում հետագայում, որը մերժվել է Ադրբեջանի կողմից։ Այն բանակցային գործընթացում, որում մենք ներգրավված ենք, ենթադրում է ԼՂ իրավունքների և անվտանգության հասցեգրման համար միջազգայիյն մեխանիզմի ստեղծում, որի ներքո տեղի կունենա ԼՂ իրավունքների և անվտանգության հարցերի քննարկում՝ Բաքու-Ստեփանակերտ ուղիղ երկխոսության պայմաններում»,- ասաց Միրզոյանը։