Սահմանադրական դատարանն այսօր հրապարակել է 1998 թ․ ստորագրված միջազգային քրեական դատարանի՝ Հռոմի կանոնադրությունում (Հռոմի ստատուտ) ամրագրված պարտավորությունների՝ ՀՀ Սահմանադրությանը համապատասխանության վերաբերյալ որոշումը։ 

ՍԴ նախագահ Արման Դիլանյանը նաեւ հայտնել է, որ սույնն որոշումը վերջնական է և ուժի մեջ է մտնում հրապարակման պահից։ Որոշման վերաբերյալ հատուկ կարծիքներ ունեն դատավորներ Թունյանը, Խունդկարյանը, Թովմասյանը։ 

Նշենք, որ այս համաձայնագրի վավերացմամբ՝ Հայաստանը պարտավորություն է ստանձնելու նաև կատարելու Միջազգային քրեական դատարանի որոշումները, ինչպիսին, օրինակ, վերջերս Վլադիմիր Պուտինին ձերբակալելու վերաբերյալ ընդունած որոշումն է։

 Aurօranews-ը որոշման հետ կապված զրուցել է սահմանադրագետ Էդգար Ղազարյանի հետ:

«Միջազգային պայմանագրերը վավերացման ընթացակարգ են ունենում, այսինքն` այդ փաստաթուղթը դեռևս վավերացված չի Հայաստանում: ՍԴ որոշումից հետո դեռ պետք է ԱԺ-ն վավերացնի, որից հետո պետք է  ՀՀ նախագահը ստորագրի և հրապարակի: Այդ գործընթացը եթե դա տեղի ունենա, ուրեմն  Հայաստանը ընդունում է միջազգային  դատարանի, քրեական դատարանի իրավազորությունը, և դա նշանակում է  դատարանի որոշումը պետք է լինի պարտադիր կատարման ենթակա Հայաստանի համար, այդ թվում նաև ՌԴ նախագահին կալանքի վերցնելու օրդերը իրագործելու վերաբերյալ որոշումը»,- նշեց սահմանադրագետը:

Քիչ առաջ հայտնել էինք, որ Հռոմի ստատուտը համապատասխանում է ՀՀ սահմանադրությանը․ ՍԴ